Abu Sayyaf kidnapper, 2 pa sumuko
MANILA, Philippines — Dumanas ng panibagong dagok ang mga bandidong Abu Sayyaf Group (ASG) kasunod ng pagsuko sa tropa ng militar ng tatlo nitong miyembro kabilang ang sinasabing kidnapper ng isang Indonesian seafarer sa lalawigan ng Sulu kamakalawa.
Ayon kay 2nd Lt. Jerrica Angela Manongdo, spokesperson ng Joint Task Force (JTF) Sulu ang tatlong Abu Sayyaf ay sumurender sa 6th Special Forces Battalion (SFB) sa ilalim ng Army’s 1102nd Infantry Brigade (IB) na pinamumunuan ni Brig. Gen. Ignatius Patrimonio.
Kabilang sa mga sumukong Abu Sayyaf ay isang alyas “Dexter” na sangkot sa pagdukot sa isang Indonesian crew habang naglalayag sa karagatan ng Malaysia habang lulan ng fishing vessel noong Enero 16, 2020 saka dinala at itinago sa Sulu.
Inisnuko rin ni alyas Dexter na taga-Patikul, Sulu ang isang M1 carbine na may lamang bala sa 6th SFB sa pamumuno ni Lt. Col. Rafael Caido.
Ang dalawa pang sumukong bandido ay kinilala namang sina Albasri Salim alyas “Abu Sadad”, tauhan ni Abu Sayyaf Sub-leader Sibih Pishi at isang alyas “Edwin” o alyas “Splakang Panduga Abdulmain” na mula naman sa grupo ni Abu Sayyaf Sub leader Ekoh Udiaman. Isinurender din nila ang isang G1 battle rifle at isang M1 garand rifle na kargado ng mga bala.
“The Western Mindanao Command is tightening their security that’s why the ASG opted to kidnap outside Philippine borders. On the other hand, all battalions are focused on neutralizing the ASG and their logistics to include KFR (kidnapping for ransom) activities. Either members surrender or get killed in armed engagement. I hope others can also come to their senses and give value to their and their family’s life,” pahayag naman ni JTF Sulu Commander Brig. Gen. William Gonzales.
- Latest
