CAVITE , Philippines — Arestado ang isang empleyado ng munisipyo na itinuturing na top 1 most wanted person dahil sa mga kasong pagpatay sa isinagawang operasyon ng pulisya kamakalawa sa Brgy. Dagatan, Amadeo, dito.
Kinilala ang suspek na si Micheal Malabanan, 44, kawani ng Amadeo Municipal Hall at residente ng Brgy, Dagatan ng nasabing Bayan. Siya ay nahaharap sa kasong 2 counts of homicide.
Sa ulat, bitbit ang warrant of arrest na inisyu ni Judge Efren dela Cruz, chairperson ng First Division ng Sandiganbayan sa Quezon City, tinungo ng mga pulis ang tirahan ng suspek dakong alas-4 ng hapon at matagumpay siyang naabutan kaya agad nilang pinosasan saka dinala sa presinto.