LEGAZPI CITY, Albay, Philippines — Isang bala sa dibdib ang tumapos sa buhay ng isang 34-anyos na magsasaka matapos na barilin ng kanyang katomaang pinsan makaraang magtalo habang nag-iinuman sa Brgy. Malobago, Cataingan, Masbate kamakalawa ng gabi.
Sinubukan pang isugod sa Cataingan District Hospital pero hindi na umabot nang buhay ang biktimang si Ryan Aparente Legazpino, residente ng Brgy. San Isidro, Cataingan
Tinutugis naman ang suspek na si Mark Joseph Aparente Lobetana, 32, karpintero ng Brgy. Banco, Palanas, Cataingan.
Sa ulat, dakong alas-8:45 ng gabi ay nakita pang masayang nag-iinuman ang magpinsan pero nang kapwa malasing ay biglang nagtalo ang dalawa. Biglang bumunot ng baril ang suspek at malapitang pinaputukan sa kaliwang bahagi ng dibdib ang pinsan na agarang nasawi.
Mabilis na tumakas ang suspek matapos ang ginawang krimen patungo sa direksyon ng Brgy. Sta Teresita.