TUGUEGARAO CITY, Cagayan, Philippines — Nasakote ng awtoridad ang itinuturong killer ng isang barangay chairman noong 2013 matapos siyang silbihan ng mandamiyento de aresto sa kanyang lungga sa Sanchez Mira, dito sa lalawigan noong Martes.
Kinilala ni P/ Master Sargeant Richie Roger Hernandez ang nadakip na si Alex Inong, 43, na siya umanong tunay na nakapatay kay Brgy. Chairman Valentin Corpuz ng Brgy. San Antonio, Claveria, Cagayan.
Unang itinurong prime suspect ng mga imbestigador ang kinakasama ng nasabing opisyal na si Eusebia Driza sa hinalang selos o “crime of passion” ang krimen. Gayunman, sa pagsisiyasat na namamasyal noon sa tabing dagat ang tserman na may kasamang ibang babae nang magkrus ang landas nila ni Inong na pawang lasing kasama ang dalawa pang lalaki.
Nagkaroon ng pambuno sa baril ni Corpuz at si Inong kasunod ng kanilang pagtatalo at nakalabit ng huli ang gatilyo na ikinamatay ng una.
Sa ngayon, tumatayong state witness laban kay Inong ang dating lover ng napatay na opisyal.