TUGUEGARAO CITY, Cagayan, Philippines — Mahigit P1-milyong halaga ng mga ari-arian ang napinsala nang masunog ang isang boarding house sa Barangay Centro 2, Sanchez Mira, Cagayan dahil sa napaba-yaang nire-recharge na cellphone kamakalawa.
Ayon sa report, ang bahay ay pag aari ni Glenn Macalma, 49.
Natukoy ang sunog na nagmula sa nagliyab na gadget na nag-init matapos naiwang nakasaksak nang bumalik ang kuryente sa naturang lugar dakong alas-2:00 ng hapon makaraang magkaroon ng brownout.
Ang sunog ay napansin ni Brgy. Chairman Andrew Pagayatan nang makitang nagsisigawan at nagtatakbuhan ang mga nakatira sa bahay kaya agad nitong tinawag ang mga Kagawad ng pamatay-sunog.
Idineklara ang fire-out sa lugar makalipas ang isang oras.