SAN JOSE DEL MONTE CITY, Bulacan, Philippines — Dalawang pinaghihinalaang tulak ng ipinagbabawal na droga ang napatay ng mga operatiba ng nasabing siyudad kahapon ng madaling araw sa isinagawang buy-bust operation sa Brgy. Assumption, dito sa lungsod.
Kinilala ni P/Col. Emma Libunao, Acting Bulacan Provincial Director ang isa sa napatay na suspek na si Roy Acebron, nasa hustong gulang at isang inaalam pa ang pagkakakilanlan.
Sa inisyal na imbestigasyon, dakong ala-1:20 ng madaling araw nang paputukan ng dalawang suspek ang mga pulis matapos na mabatid na isang ahente ng pulisya ang kanilang katransaksyon sa bentahan ng shabu. Gumanti ng putok ang mga otoridad na siyang ikinamatay ng dalawa. Narekober sa mga suspek ang 31 plastic sachet ng shabu, isang cal .38 revolver at isang motorsiklo.