Graduating student pinaglinis ng prof, patay!
TUGUEGARAO CITY, Cagayan, Philippines — Hindi na makakapagmartsa sa pagtatapos sa kolehiyo ang isang 20-anyos na BS Forestry student matapos mangisay nang aksidenteng mataga ang linya ng kuryente makaraang paglinisin ng kanyang professor sa baku-ran nito sa Brgy Raois, Vigan City, Ilocos Sur noong Sabado.
Kinilala ng pulisya ang nasawi na si Benedict Gom-uyen ng Ilocos Sur Polytechnic College sa bayan ng Sta. Maria.
Nabatid na nakakubli ang kable ng kuryente sa mga sanga ng punong pinuputol ni Gom-uyen na nasa loob ng bakuran ng gurong si Elena Ato, 56, dakong 3:35 ng hapon.
Bukod sa nangisay sa lakas ng boltaheng kumapit sa kanyang katawan ay nahulog pa sa puno ang gra-duating student na nauna ang ulo sanhi ng tinamong matinding pinsala.
Sinikap dalhin ng mga sumaklolo si Gom-uyen sa Ilocos Sur Gabriela Silang General Hospital subalit idineklara na siyang patay ng mga doktor.
Pinag-aaralan ng awtoridad ang responsibilidad ng guro sa pangyayari upang matukoy ang kanyang pananagutan sa batas.
- Latest