Kotse vs jeep: Lolo patay
CAVITE, Philippines — Patay ang isang senior citizen matapos na lumipad palabas ng kanyang minamanehong kotse nang makasalpukan ang isang jeep habang bumabagtas sa kahabaan ng Trece-Indang Rd., Brgy. Luciano, Trece Martires City kamakalawa ng gabi.
Kinilala ang biktima na si Roland Lim, 63-anyos ng 115 Col. Doro St., Pasay City. Hawak na ng pulisya ang driver ng jeep na si Michael Lamoste, 34, ng Arcia Compound, Inocencio, Trece Martires City.
Sa ulat, dakong alas-9:50 ng gabi, sakay ang biktima ng kanyang kotse na Honda (50166) at bumabagtas sa nasabing lugar nang biglang sakupin ng kasalubong na jeep (DVR 574) ni Lamoste ang gitnang kalsada dahilan upang magsalpukan ang naturang dalawang sasakyan.
Sa lakas ng banggaan, humagis palabas ng sasakyan ang biktima at lumagapak sa kalsada. Siya ay napuruhan sa ulo na agad na itinakbo sa pagamutan subalit hindi na umabot nang buhay.
- Latest
