Pampanga, Philippines – Dead-on-the-spot ang isang 31-anyos na traffic enforcer matapos banggain nang sinitang driver ng 10-wheeler truck sa Jose Abad Santos Avenue Road lungsod ng San Fernando Pampanga, Miyerkules ng umaga.
Sa ulat buhat sa tanggapan ni San Fernado Police Station Commander P/Lt. Col. Paul Gamido, kinilala ang biktimang si Mark Jun Rodriguez, 31, miyembro ng Traffic Management Unit at residen-te sa Phase 1, Villa Barosa, Brgy. Dolores sa lungsod.
Kinilala naman ang bumanggang driver ng truck na si Johnny Cole, 55, ng Rotonda St., Culdesac, Sun Valley, Parañaque City.
Pasado alas-9:30 ng umaga nang namataan ng biktima ang truck (ACN-1361) na galing sa Subic patungong Laguna na lumabag sa batas trapiko nang dumaan sa Lazatin Flyover.
Sinita ito ng biktima su-balit hindi huminto kaya’t hinabol ng una lulan sa kanyang motorsiklo nang makaabot sa bahagi ng Southbound Toll Exit sa North Luzon Expressway patungong Manila sadyang binangga umano ito ng driver ng truck, ayon sa mga nakasaksi na naging dahilan ng agaran nitong kamatayan.
Agad namang sumuko ang driver ng truck na nahaharap sa kasong murder.