TUGUEGARAO CITY, Cagayan - Isang 24-anyos na miyembro ng LGBT na positibo sa HIV infection ang nagpakamatay sa Brgy. Barcelona, Solsona, Ilocos Norte kamakalawa.
Sa report ng pulisya, natagpuan ang bangkay ng biktimang itinago sa pangalang Jimmy na nakabitin at lawit pa ang dila sa loob ng palikuran ng piggery na kanyang pinapasukan dakong alas-8:00 ng umaga.
Ayon sa kanyang mga kasamahan, nalugmok sa depresyon si Jimmy mula nang malamang positibo siya sa HIV noong Setyembre 2017.
Gayunman, nadoble ang paninibugho ng umano’y bading na biktima nang malamang may sakit na rin siya sa bato nitong nakaraang linggo.
Isinailalim sa post mortem examination ng awtoridad ang bangkay ng biktima.