TUGUEGARAO CITY, Cagayan , Philippines — Umabot sa halos P3 milyong halaga ng marijuana ang sinunog ng mga awtoridad kasunod ng isinagawang pananalakay sa nadiskubreng plantasyon sa Sitio Talaca, Agbannawag, Tabuk City, Kalinga kamakalawa.
Sa report na ipinalabas ni Cordillera Police Spokesperson Maj. Caroline Lacuata, umabot sa 14,600 puno ng marijuana ang binunot ng pulisya at Philippine Drug Enforcement Agency mula sa tatlong plantasyon nito sa lungsod na nasa halos P3 milyong halaga base sa pagtaya ng Dangerous Drugs Board.
Kaagad nagsitakas ang mga nagpapatakbo ng plantasyon nang matunugan ang pagdating ng mga alagad ng batas, dagdag ni Lacuata.