Binatilyo nabagsakan ng basketball ring, dedo
MANILA, Philippines — Nasawi ang isang 14-anyos na binatilyo matapos na aksidenteng mabagsakan ng board ng basketball ring makaraan itong lambitinan naganap sa Lagao, Gen. Santos City, kamakalawa.
Sanhi ng matinding pinsalang tinamo sa ulo, binawian ng buhay habang nilalapatan ng lunas sa pagamutan ang biktimang si John Paul Panerio, residente ng Guijo St., Balite, na naturang lugar.
Bago nito, dakong alas-10:30 ng gabi nang magtungo ang biktima at ang kanyang kaibigan sa basketball court ng Agan Centro at bigla itong tumakbo papunta sa ring at nilambitinan ito dahilan upang bumigay ito.
Sinubok pang iwasan ng biktima ang bumagsak na board ngunit huli na dahilan upang masapol ito sa ulo at tuluyang madaganan.
Napag-alaman na aksidente ang nasabing pangyayari at walang nakitang foul play sa pagkamatay ng binatilyo.
- Latest