Turista hulog sa falls, patay!
KIDAPAWAN CITY, Philippines — Patay ang isang turista matapos na aksidenteng mahulog sa pamosong Matigol Falls nang madulas habang umaakyat sa nasabing talon sa Sitio Inamong, Barangay Datu Ladayun, Arakan, North Cotabato kamakalawa.
Kinilala ang biktima na si Hercules Monreal, waiter, 21-anyos at nakatira sa Catalunan Grande, Davao City.
Ayon kay Arakan Police chief, Chief Insp. Jose Marie Molina, aksidenteng nadulas ang biktima habang pumapanik sa talon kasama ang kaibigan dakong alas-11:00 ng umaga at dahil sa wala siyang makapitan ay bumagsak ito sa halos 100 metrong taas ng falls.
Nabatid na kampanteng mag-isang tinungo ni Moreal ang bahagi ng falls na madulas kung kaya naaksidente. Hindi rin alam ng tour guide na siya ay tutungo sa nasabing bahagi ng falls.
- Latest