MANILA, Philippines — Sa kulungan ang bagsak ng 40 drug suspects matapos madakip ng mga pulis sa isinagawang magdamagang drug-bust operation sa 4 na bayan at 3 lungsod sa lalawigan ng Cavite, kamakalawa.
Dakong alas-2:30 ng hapon nang simulan ng Cavite Police ang malawakang drug raid sa 7 lugar na umabot sa 12 oras at nadakma ang may 40 katao kabilang na rito ang ilang nasa drug watchlist ng pulisya.
Kumalat ang buong puwersa ng mga tauhan ng Cavite Police at ginalugad ang mga bayan ng Kawit, Rosario, Gen Mariano Alvarez, Indang, at ang tatlong lungsod ng Bacoor, Imus at Gen Trias City. Kabuuang arestadong suspek ay umabot sa 40 na karamihan ay sinasabing mga ‘tulak’ at nakuhanan ang mga ito ng mga ‘di pa mabilang na timbang ng shabu, drug money, at drugs paraphernalias.