TUGUEGARAO CITY, Cagayan, Philippines — Apat na negosyante at magkakasosyo sa isang videoke bar ang patay matapos na i-masaker ng dalawang hindi kilalang berdugo sa loob mismo ng kanilang establisimyento sa Brgy. Magapit, Lal-lo, Cagayan kahapon ng madaling araw.
?Kinilala ni Chief Insp. Ramon Macarubbo, hepe ng Lal-lo Police, ang mga biktimang sina Eugene Javier, misis nitong si Princess, ang kaanak nilang si Ramsey Javier at misis na si Mikaela na pawang mga may-ari ng Starbabe Videoke Bar.?
Ayon kay Macarubbo, huling nasaksihan ang mga biktimang nakikipagtalo sa dalawang suspek na kustomer nila sa bar bago narinig ang sunud-sunod na putok ng baril dakong ala-1:30 ng madaling araw.?
Nang mahawi ang usok sa bar, nakitang duguang nakabulagta ang mga biktima at patay na habang naglahong parang salamangkero ang mga suspek na sinasabing sakay ng isang motorsiklo. ?
Nagkalat ang mga basyo ng bala ng cal. 45 at cal. 9mm sa crime scene, dagdag ni Macarubbo.