NUEVA ECIJA , Philippines — Patay ang dalawang hinihinalang tulak ng droga habang arestado ang dalawang iba pa sa isinagawang buy-bust operation noong Sabado ng hapon sa Purok 4, Brgy. Sibul, bayan ng Talavera. Kinilala ni P/Supt. Joe Neil Rojo, hepe ng Talavera Police ang mga nasawi na sina Narciso Fajardo, ng Barangay Palagay, Cabanatuan City at Alexander Babas Sr. Ang mga naaresto ay sina June Aquino at Angelito Atencio. Ang nakatakas naman ay nakilala sa pangalang Rodolfo Isla, alyas Ude.
Sa ulat, dakong alas-3:30 ng hapon habang isinasagawa ang operasyon ay nakaramdam umano ang mga suspek na pulis ang kanilang katransaksyon kaya mabilis na tumakbo patungo sa isang bahay na may nagaganap na pot session at sumigaw sa mga kasama nito bilang babala kasabay ng pagpapaputok ng kalibre 45 sa mga pulis, Nagkaroon ng palitan ng putok na ikinabulagta ng dalawa.