BULACAN, Philippines — Kalaboso ang apat na umano’y tulak at limang bumabatak ng shabu matapos ang magkahiwalay na operasyon ng pulisya sa dalawang lugar sa Brgy.Gaya-Gaya, San Jose Del Monte City, Sabado ng madaling araw.
Ang mga naaresto ay sina Marissa Mendoza, 52; Eddie Cañete, 68; Diane Gomez, 45; Ronnie Seguerra, 30; Jaen Anthony Dapitan,19; Lina Bayadas, 48, habang nasa DSWD ang tatlong menor-de-edad.
Sa ulat ni P/Supt. Fitz Macariola, unang isinagawa ang operasyon dakong ala-1:00 ng madaling araw sa bahay nina Mendoza at Cañete sa Towerville 6, Brgy. Gaya-Gaya at habang inaabot ng dalawang suspek ang binebentang shabu sa poseur buyer na pulis ay dito na sila inaresto habang naaktuhan naman ang tatlong menor-de-edad na nagpa-pot session sa loob ng bahay ng mga suspek. Isinunod ng Drug Enforcement Unit ang operasyon sa bahay nina Gomez at Seguerra sa lugar at nang matanggap na ang marked money ay dito na sila inaresto.