Tricyle sumalpok sa poste: Pasahero dedo
MANILA, Philippines — Nasawi ang isang babaeng pasahero habang sugatan ang driver ng isang tricycle matapos na mawalan ng kontrol sa manibela at aksidenteng bumangga sa isang konkretong poste sa Morong, Rizal kamakalawa ng hapon.
Dead-on-arrival sa St. Therese Hospital ang biktimang si Emerciana Religioso, bunsod ng matinding pinsala sa ulo at katawan, habang nilalapatan ng lunas ang driver ng tricycle na si Crisologo Refraccion, kapwa nasa hustong gulang, at residente ng naturang lugar.
Sa ulat, dakong alas-4:00 ng hapon habang sakay ng tricycle ang mga biktima at bumibiyahe sa Sitio Taghangin, Brgy. Maybancal patungo sa direksyon ng Teresa, Rizal nang pagsapit nila sa naturang lugar ay nawalan ng kontrol sa manibela si Refraccion. Lumiko pakanan ang tricycle hanggang sa tuluyang bumangga sa isang konkretong poste na nagresulta sa malubhang pinsala ng mga biktima at kanilang sasakyan.
- Latest
