Paslit na inihabilin ng ina, nalunod

TUGUEGARAO CITY, Cagayan  , Philippines  —  Nalunod sa palaisdaan ang 1-taong gulang na nene matapos siyang ihabilin ng ina sa pamangkin upang magbawas lamang sa kanilang palikuran sa Brgy. Paratong, Sta. Catalina, Ilocos Sur kamakalawa. ?Sa report na ipinalabas ni Chief Insp. Winnie De Vera, tagapagsalita ng Ilocos Sur Police; laking gulat na lamang ni Jovelyn Getongo, 23, nang matanaw na palutang-lutang na ang anak na si Mac Kenzie Getongo sa tubig paglabas sa palikuran.?

Nangyari ang trahedya dakong tanghali, ilang minuto lamang matapos ipagbilin ng ginang ang anak nito upang magbawas.? Isinugod ng mga kaanak ang bata sa isang pribadong hospital sa Vigan City kung saan siya idineklarang patay.