TUGUEGARAO CITY, Cagayan, Philippines — Nasawi ang isang 37-anyos na misis matapos tumalon sa loob ng isang malalim na balon sa Barangay Villabuena, Sta. Maria, Isabela kahapon pasado hatinggabi.
Ayon kay Chief Insp. Richard Babaran, hepe ng PNP Sta. Maria, naunang nakita ng mga kaanak na iniikutang mag-isa ni Gemma Sibayan ang balon na tila balisa at wala sa sarili.
Nabulahaw na lamang ang barangay sa pagtulog nang marinig ang sigaw ni Sibayan sa ilalim ng butas.
Ayon sa report, sinikap ng mga tanod na iahon ang biktima saka isinugod sa ospital kung saan ito idineklarang patay.