Rider nalaglag sa kanal, todas
MANILA, Philippines — Nalasog ang katawan at namatay noon din ang isang 16-anyos na binatilyo matapos mahulog ang kanyang minamanehong scooter sa drainage canal sa kahabaan ng kalsada ng Brgy. Sta Rosa Norte sa bayan ng Jose Panganiban, Cam Norte noong Miyerkules ng madaling araw.
Sinubukan pang isugod sa Jose Panganiban Primary Hospital, pero dineklarang dead-on-arrival ang biktimang nakilalang si John Ray Timbal, residente ng Purok 2 ng nasabing barangay.
Sa police report na nakarating sa Camp Gen. Simeon Ola, dakong ala-1:00 ng madaling araw ay mabilis na minamaneho ng biktima ang kanyang scooter at binabaybay ang nasabing kalsada nang mawalan ng kontrol pagdating sa pakurbang bahagi ng daan.
Na naging dahilan para mahulog sa malalim na drainage canal na nagtamo ng matinding pinsala sa katawan na kanyang ikinasawi.
- Latest
