TUGUEGARAO CITY, Cagayan , Philippines — Tatlong diumano’y hired killers ang sinampahan kahapon ng kasong kriminal kaugnay sa grenade attack sa kapistahan ng La Paz, Abra na ikinasugat ng congressman, mayor at 12 iba pa at pagkamatay ng dalawang pulis noong nakaraang Enero 25.? Sinabi ni Cordillera Police Director Chief Supt. Edward Carranza na dalawa sa mga suspek na sina Joel Balucas at Roel Escalante ay nakapiyansa sa kasong frustrated murder na isinampa ng pulisya. Ang ikatlong kinasuhan na si Eljay Biyang ay nakalalaya pa rin gaya ni Balucas at Escalante dagdag ni Caranzza.?
Matatandaan na sugatan sina Congressman Joseph Bernos, misis nitong si La Paz Mayor Menchie Bernos at 12 pang katao habang namatay sina PO3 Carlos Bocaig at PO2 Frenzel Kitoyan nang pasabugan ng mga suspek ang kinalalagyan nilang entablado habang pinanonood ang fireworks display ng kapistahan ng bayan noong Enero 25.? Pulitika ang isa sa mga tinitingnang anggulo ng pulisya sa nangyaring krimen.