MANILA, Philippines — Namugot ng ulo ang bandidong grupong Abu Sayyaf sa baya ng Sumisip sa Basilan kahapon.
Ayon sa military source, pinatay ang mag-asawa sa Sitio Bacahan sa Barangay Mahatalang na kilalang lugar ng armadong grupo.
“The couple was killed; the husband was a brother of an Abu Sayyaf member,” sabi ng source na tumangging magpapangalan.
Nakilala ang mga biktimang sina Abdurahim Kituh at Nadzwa Bahitla na natagpuan ang mga katawan sa magkahiwalay na lugar.
Nakita ng mga awtoridad ang bangkay ni Bahitla malapit sa Ismael Elementary School sa Sitio Diangan, Barangay Mahatalang bandang 4:30 ng hapon kahapon.
Tatlong oras ang lumipas bago nakita ang bangkay ni Kituh.
Pinaniniwalaan ng mga pulis na si Nahim Mustalim, half-brother ni Kituh, ang namuno sa pamumugot ng ulo.