NORTH COTABATO, Philippines — Patay ang magkapatid habang tatlo naman ang nasugatan makaraang mahulog sa kanal ang kanilang motorsiklo na nakabundol ng asong tumawid sa Barangay Looy, bayan ng South Upi, Maguindanao, kamakalawa. Kinilala ni P/Senior Insp. Guilbert Aporbo ang mag-utol na sina Romel Francis, 24; at Freddie Francis, 38, mga nakatira sa Sitio Iking, Barangay Romongaob sa nasabing bayan. Sugatang isinugod sa pagamutan sina Melvin Francis, 19, utol nina Romel at Freddie; Condrado Uga at angkas nitong si Balis Sanday. Sa inisyal na imbestigasyon ng pulisya, nakabundol ng asong tumawid ang motorsiklo ng magkakapatid pagsapit sa bahagi ng Sitio Sta. Fe. Sumemplang naman ang motorsiklo nina Uga at Sanday na sumusunod sa mag-uutol.