MANILA, Philippines — Sumuko ngayong Huwebes ang suspek sa pagpaslang sa mag-ina sa lalawigan ng Cavite.
Nagtungo ang suspek na si Ruel Cabatingan sa Eastern Samar Provincial Police kaninang 7:30 ng umaga.
Si Cabatingan ang tinukoy ng mga pulis na 36-anyos na overseas Filipino worker na nakatira sa Imus, Cavite.
Inamin niya ang pagpatay kina Ruby Gamos at pitong-gulang na anak niyang si Shaniah Nicole Gamos.
Natagpuang patay ang mag-ina sa kanilang tahanan sa General Trias, Cavite nitong Disyembre 11.
Bukod sa pagpatay, nawala rin ang sasakyan, telebisyon, gadgets at alahas ng mga biktima.