CAVITE, Philippines — Pinaniniwalaang away-trabaho ang isa sa motibo kaya napatay ang 27-anyos na security guard matapos itong pagbabarilin ng kanyang kabarong sekyu habang nag-iinuman sa Barangay Lalaan 1 sa bayan ng Silang, Cavite kamakalawa ng gabi. Napuruhan sa dibdib ang biktimang si Jerome Villanueva habang arestado naman ang suspek na si Jonir Olaco, 40, kapwa security guard ng Airguard Security Agency. Nabatid na nag-iinuman ang dalawa kasama ang tatlo pang sekyu sa Bldg. Brie, Monteluce nang bigla na lang magtalo ang dalawang senglot kaugnay sa kani-kanilang trabaho. Nauwi sa pamamaril ng suspek sa biktima na kapwa senglot.