BULACAN, Philippines — Napatay ang 79-anyos na lolo matapos itong tagain ang leeg ng sariling apo habang nagtatalo sa loob ng kanilang bahay sa Barangay Sto. Cristo sa bayan ng Angat, Bulacan noong Linggo ng gabi.
Hindi na umabot ng buhay sa Norzagaray Hospital ang biktimang si Elegio Enriquez habang naaresto naman ang suspek na si Mark Michael Roomer, 20, kapwa nakatira sa Legaspi Street sa nasabing barangay.
Sa imbestigasyon ni SPO1 Ramon Culala, dakong alas-7 ng gabi nang dumating sa bahay ang suspek na lango sa alak.
Gayunman, kinompronta ng biktima ang kanyang apo dahil kalimitang lango sa alak kung umuwi kung saan nauwi sa mainitang pagtatalo.
Dito nairita ang suspek kaya tinaga nito sa leeg ang kanyang lolo saka humingi ng saklolo sa ilang kapitbahay.
Narekober sa crime scene ang mahabang itak. na may bahid ng dugo. Nakatakda namang kasuhan ang suspek.