LEGAZPI CITY, Albay, Philippines — Pinaniniwalaang dinamdam ng 18-anyos na high school student ang panenermon ng ina laban sa kanyang syota kaya ito kusang nagpasalubong kay kamatayan matapos na magbigti sa kanilang bahay sa Zone 3, Barangay La Purisima, bayan ng Nabua, Camarines Sur kamakalawa ng gabi. Sinubukan pang isugod sa Medical Mission Group Hospital subalit idineklarang patay si Shiema Mae Reblando ng nasabing barangay. Sa police report na nakarating sa Camp Simeon Ola, dakong alas-10: 20 ng gabi nang matagpuan ng nakababatang kapatid na si Julius ang biktima na nakabitin sa kisame ng kanilang bahay. Sa salaysay ng ina ng biktima na pinagalitan niya ang dalagita noong umaga dahil sa pakikipag-boyfriend nito.