CAVITE , Philippines — Kasalukuyang nakikipaglaban kay kamatayan ang 18-anyos na dalaga na sinasabing may matinding problema sa pamilya kaya ito nagtangkang mag-suicide matapos itong lumaklak ng muriatic acid sa pamosong Island Cove Hotel and Leisure Park sa Barangay Pulborista sa bayan ng Kawit, Cavite kahapon ng umaga. Naisugod naman sa Kawit Medical Center ang biktimang si Maurine Joyce Barcilla ng #297 Juan Munti, Villanueva Street sa Barangay Toclong sa Imus City, Cavite. Sa imbestigasyon ni SPO2 Roldan Requioma, bandang alas-11 ng umaga nang matagpuan ng hotel attendant ang biktima na nakahandusay sa pathway ng nasabing leisure park. Kaagad naman naisugod sa nasabing ospital ang biktima na sinasabing nasambit nito na lumaklak siya ng asido para wakasan ang kanyang buhay. Patuloy naman inaalam ng pulisya ang motibo sa tangkang pagpapakamatay ng biktima.