Supporter ng politiko utas sa tandem
TUGUEGARAO CITY, Cagayan, Philippines - Inutas ng riding-in-tandem assassins ang 50-anyos na dating sundalo na sinasabing campaign supporter ng pulitiko habang sakay ng kanyang motorsiklo sa Barangay Poblacion, bayan ng San Pablo, Isabela noong Biyernes ng gabi. ?
Sa police report na nakarating kay P/Senior Supt Reynaldo Garcia, Isabela police director, patungo sa bayan ng Cabagan ang nagmomotorsiklong biktimang si Ireneo Duran nang sabayan at ratratin ng gunmen.?
Idineklarang patay si Duran sa Milagros District Hospital sa Cabagan habang nagkalat naman ang mga bala ng cal.45 pistol sa crime scene. ?
Nabatid na pang-apat na sa itinumba si Duran na supporter ni Dr. Norma Pinson mula nang todasin si ex-Chairman Joer-el Panganiban sa isang lamayan noong Enero.
Samantala, sina Atty. Arlan Castañeda at bodyguard nito na binaril sa gitna ng Misa de Gallo noong Disyembre 2016. ?
Noong 2016; apat din na supporters ni Mayor Antonio Miro na tumalo kay Pinson ang dinedo noong Hunyo, Agosto at Disyembre.
- Latest
