BULACAN, Philippines – Bulagta ang tatlong notoryus na drug peddler makaraang kumasa sa mga pulis sa inilatag na buy-bust operation sa Brgy. Muzon, San Jose Del Monte City, Bulacan noong Lunes ng gabi. Kinilala lamang sa mga Alyas Dodong at Toyo ang dalawa habang inaalam naman ang pangalan ng ikatlong suspek na mga residente sa Pabahay 2000 sa nasabing barangay. Base sa police report na nakarating sa Camp Alejo Santos, ikinasa ang buy-bust makaraang matunugang lantaran ang bentahan ng shabu ng mga suspek. Tinangkang pasukin ng mga pulis ang pinagkukutaan ng mga suspek subalit sinalubong sila ng mga putok ng baril na humantong sa shootout. Napatay naman ang tatlo kung saan narekober ang cal.38 revolver, cal.22 revolver, mga bala, 22 plastic sachet ng shabu, mga drug paraphernalia, at ang P500 cash na marked money.