2 nene ni-rape ng pinsan

QUEZON, Philippines - Maagang napariwara ang kinabukasan ng magpinsang nene makaraang gahasain ng kanilang pinsang lalaki sa Barangay Poblacion, bayan ng Catanauan, Quezon kamakalawa. Base sa ulat ng Catanauan Womens Desk Section, unang ginahasa ng suspek na itinago sa pangalang Porfirio, 19, ang kanyang pinsang si Trisha, 7,­ (di-tunay na pangalan) noong Linggo ng hapon (Oktobre 23). Nanonood umano ng TV si Trisha sa bahay ng suspek nang kaladkarin ito patungo sa kuwarto at doon pinagsamantalahan. Samantala, naglalaro naman sa labas ng bahay si Baby, 6 ( di-tunay na pangalan) noong Martes ng hapon (Oktubre 25) nang tawagin ng suspek at gahasain din sa loob ng bahay. Kamakalawa lamang natuklasan ng ina ng dalawang bata ang ginawa ng suspek nang makita ang paika-ikang maglakad kung saan nasakote naman ang rapist.