TUGUEGARAO CITY, Cagayan, Philippines – Kamatayan ang sumalubong sa mag-ama habang kritikal naman ang misis nito makaraang salpukin ng kotse ang kanilang motorsiklo sa kahabaan ng highway sa Barangay Sampaloc, bayan ng Cabatuan, Isabela kamakalawa. ?
Kinilala ni P/Senior Insp. Noriel Lacangan, hepe ng PNP ang mga namatay na sina Johnny “Boy” Lamorena, 35; at Danica Lamorena, 8, habang sinugod naman sa Ester Garcia Hospital sa Cauayan City ang misis nitong si Jocelyn Lamorena na nasa bingit ng kamatayan. ?
Lumalabas sa imbestigasyon na nawalan ng kontrol ang driver ng Honda Civic (TKA-760) na minamaneho ni Joseph Daga kaya nang-agaw ito ng linya sa kurbadang highway na nakasalpukan ang kasalubong na motorsiklo ng mga biktima.?
Sa lakas ng impact ay tumilapon at nagpagulung- gulong sa kalsada ang mga biktima. Agad naman nadakip ng pulisya ang driver ng kotse matapos ang sakuna.