TUGUEGARAO CITY, Cagayan, Philippines – Apat-katao ang malubhang nasugatan matapos salpukin ng pampasaherong GMW Bus ang tindahan sa gilid ng highway sa Barangay Manaring, Ilagan City, Isabela kahapon ng madaling araw.
Kinilala ni P/Supt. Manuel Bringas, hepe ng Ilagan City PNP ang mga naisugod sa Governor Faustino Dy Sr. Memorial Hospital na sina Salvador Bangug, 55, may-ari ng tindahan; Johnbert Eda, 46, bus conductor; Alda Tolentino, 41; at ang bus driver na si Jerry Tolentino, 44.?
Sa inisyal na imbestigasyon ng pulisya, nawalan ng control sa manibela si Tolentino pagsapit sa kurbadang highway habang bumubuhos ang ulan kaya nasalpok ang tindahan ni Bangug na noon ay nakaupo at umiinom ng kape.?
Nakaiwas naman ang mga residenteng naglalakad kung saan nagsigawan at nagsitakbuhan sa iba’t ibang direksyon.
Inihahanda ang kasong reckless imprudence at multiple physical injuries laban sa driver ng bus.