TUGUEGARAO CITY, Philippines – Sumalubong kay kamatayan ang isang 35-anyos na magsasaka habang 9 naman ang kritikal na karamihan ay estudyante, sa magkahiwalay na aksidente sa Peñablanca at Gattaran, Cagayan kamakalawa. ?Sinabi ni case investigator PO2 Willard Baccay na nakisakay lamang si Dimas Pamittan, 35, sa motorsiklo ng kanyang pinsan na si Michael Taguinod, 24, nang bumaligtad sila sa sinking road ng Brgy. Quibal sa Peñablanca.? Kapwa isinugod ang magpinsan sa Cagayan Valley Medical Center (CVMC) subalit inideklarang patay si Pamittan. ?Sa bayan ng Gattaran, kapwa lango sa alak ang mga drayber na sina Eny Ancheta at Robert Blanza nang magkasalpukan ang mga tricycle nilang hindi rehistrado sa Barangay Takiki. ?Nang-agaw ng linya si Ancheta na nagresulta sa salpukan sa kasalubong na tricycle ni Robert Blanza na noon ay sakay ang mga estudyanteng sina Lemuel Gregorio, 15; Elvis Corpiz, 13, John Oliver Avila, 17 at si Rey Fernandez, 45. ?Tumilapon at nagpa-gulung-gulong sa kalsada ang mga biktima na isinugod sa Ramon Nolasco Hospital matapos ang insidente. Sa bayan ng Solana, sa CVMC naman humantong ang estudyanteng si Josephine Basun 16 at drayber na si Gavino Labuguin, 25, matapos salpukin ng minamanehong tricycle ng nahuli ang likuran ng sinusundang firetruck ng Bureau of Fire Protection sa Brgy Lingu. Kusang sumuko ang drayber ng firetruck na si FO1 Antolin Soriano matapos ang sakuna.