TUGUEGARAO CITY, Cagayan, Philippines – Sinalpok ni kamatayan ang 20-anyos na anak ni Ilocos Norte 1st District Rep. Rodolfo Fariñas Sr. makaraang banggain ng kanyang BMW big bike ang sinusundang dump truck sa kahabaan ng highway sa Barangay Pasiocan, bayan ng Bacarra, Ilocos Norte kahapon ng umaga.?Sa police report na nakarating kay P/Senior Supt. Albert Ocon, Ilocos Norte PNP director, namatay habang ginagamot sa Governor Roque Ablan Senior Memorial Hospital si Rodolfo Fariñas Jr. ng Barangay Barit sa Laoag City kung saan siya naging chairman ng Sangguniang Kabataan.?
Ayon kay Jonathan Valdez, provincial director ng Ilocos Norte Emergency Response Team, namataan niya ang biktimang naka-helmet sa Barangay Peralta na mabilis ang pagpapatakbo ng motorsiklo.
Sinasabing nagliyab ang big bike ng biktima matapos sumalpok sa truck dakong alas-5:30 ng umaga.