CAMP SIMEON OLA, Legazpi City, Philippines - Brutal na kamatayan ang sinapit ng magkaibigan na binata sa kamay ng mga di-nakikilalang mga suspek matapos silang pagtatagain at itapon sa isang liblib na lugar sa Zone 6, Barangay Del Rosario, Bato, Camarines Sur kahapon ng umaga.
Ang mga biktima ay sina Donato Marveles ng Barangay Sta Cruz at Rommel Villaraza, ng Old Moriones sa Ocampo, Camarines Sur.
Ang katawan ng dalawa ay natagpuan ng mga residente na tadtad ng taga sa iba’t ibang bahagi ng katawan habang may tali ang kanilang mga kamay at may piring ang mga mata dakong alas-7:00 ng umaga.
Narekober sa lugar ang mga driver license ng mga biktima na naging sanhi upang sila ay makilala ng mga awtoridad.
Posibleng pinatay ang dalawa sa naturang lugar matapos dukutin sa kanilang mga bahay.