TUGUEGARAO CITY, Cagayan, Philippines – Magkasabay na sinalubong ni kamatayan ang mag-utol na estudyante matapos na makuryente sa talop na linya ng Kalinga Electric Cooperative sa Barangay Karikitan, bayan ng Conner, Apayao kamakalawa.
Sa pahayag ni P/Senior Insp. Manes Cadengan, hepe ng P. Conner PNP, itinaas nang magkapatid na Jayson Valencio, 24; at Eljay Valencio, 17, ang tubo ng tubig na kanilang hinukay upang tanggalin ang pumasok na putik nang aksidenteng masagi ng kabilang dulo nito ang libu-libong boltahe ng kuryente na nakabitin sa itaas ng kinatatayuan sa kalsada.?
Nagkikisay sa kalsada ang magkapatid dahil sa tindi nang boltahe kung kaya bumulagta ang mga ito.
Idineklarang patay sa pagamutan sa bayan ng Tuao, Cagayan ang magkapatid. ?
Nabatid na graduating student sa kolehiyo si Jayson habang inaasahang magtatapos sa high school si Eljay sa 2016.