TUGUEGARAO CITY, Cagayan, Philippines – Bulagta ang beteranong Barangay Kagawad na tumatayong presidente ng asosasyon ng traysikel matapos itong ratratin ng riding-in-tandem gunmen sa bahagi ng Barangay 30-B Sta. Maria, Laoag City, Ilocos Norte kamakalawa.
Idineklarang patay sa Gov. Roque Ablan Sr. Memorial Hospital si Kagawad Jessie Jacinto habang tinamaan naman ng ligaw na bala sa binti ang 27-anyos na anak nitong si Jackylyn Balino.?
Sa ulat na nakarating kay P/Supt. Jeffrey Gorospe, hepe ng Laoag City PNP, pauwi na ang biktimang nagmamaneho ng trike kasama ang kanyang misis, anak, mga apo at kaanak nang ratratin dakong alas-7 ng gabi.
Sumadsad sa gilid ng kalsada ang kagawad dahil sa tinamong mga tama sa ulo at iba’t-ibang bahagi ng katawan. ?
Sa follow-up operations ng pulisya, nasakote naman ang isa sa mga suspek si Luchimbar Maximo ng Barangay Buena Suerte, Cauayan City.?
Sinisilip ng mga imbestigador ng pulisya ang mga anggulong may kaugnayan sa pagnenegosyo ng bigas ng biktima at pagiging presidente nito ng asosasyon ng Tricycle Drivers at Operators.