NORTH COTABATO, Philippines – Napatay ang isang security guard makaraang pagbabarilin ng mga di-kilalang kalalakihan na nangholdap sa pawnshop sa bayan ng Sto. Niño, South Cotabato kahapon ng hapon. Kinilala ni P/Chief Inspector Joel Fuerte ang biktima na si Richard Tabalong na pinagbabaril ng dalawang holdaper sa loob ng Palawan Pawnshop. Gumamit ng martilyo ang dalawa para basagin ang salamin sa pagkuha sa mga alahas na aabot sa P.1 milyong halaga. Nakasuot ng camouflage ang mga holdaper at naka-sombrero nang tumakas lulan ng motorsiklo patungo sa direksyon ng Bai Sarapinang, Bagumpabayan sa Sultan Kudarat. Ayon sa pulisya, magkapareho ang estilo ng panloloob sa nasabing pawnshop sa Agencia Brillantes sa Koronadal City.