NUEVA ECIJA, Philippines – “Punta ka sa burol ko”... Ito na ang huling text messages na ipinadala ng 17-anyos na college student sa kanyang nobya bago ito magbigti sa kanyang kuwarto kamakalawa ng umaga sa Barangay San Andres, bayan ng Guimba, Nueva Ecija, kamakalawa ng umaga. Nadiskubreng nakabitin sa kisame ang biktimang si Jobert Rapisora noong Lunes ng umaga. (Oct 6).
Huling nakitang buhay ang biktima noong Linggo ng gabi (Oct 5) na umuwi mula sa bahay ng kanyang mga kaibigan. Narekober naman ang cellphone ng biktima kung saan nadiskubre ng kanyang ama ang palitan ng text messages ng anak at nobya nito. Napag-alamang nagkaroon ng misunderstanding ang magkasintahan na humantong sa pagpapakamatay ng biktima. Ayon kay SPO1 Antonio V. Olanda, ng Guimba PNP, hindi na isinailalim sa autopsy ang bangkay ng biktima sa kahilinga ng kanyang tatay na si Diomedes Rapisora.