CAMARINES NORTE, Philippines - Bagsak kalaboso ang isang lalaki na positibong itinuro ng isang 5 taong gulang na batang lalaki makaraan ang ginawang karumal dumal na pagpatay sa isang retiradong guro sa Brgy Paloyon Proper, Nabua, Camarines Sur kamakalawa.
Ang suspek na nahaharap sa kasong robbery homicide ay nakilalang si Leo “Bobby” Bonador residente ng Zone 2, La Opinion, Nabua, Camarines Sur
Sa isinagawang follow up operation sa pamumuno ni P/Chief Insp. Ruben Padua, naaresto ang suspek sa kanyang bahay at nakuha ang isang patalim na ginamit sa ginawang paglaslas ng leeg sa biktimang si Bella Abaca na natagpuang duguang nakabulagta sa kanyang kuwarto kamakalawa.
Narekober din ng mga awtoridad ang ninakaw na mga alahas sa biktima na umaabot sa halagang P.4M. at halos magwala sa galit ang mga kapatid at kapamilya ng matanda ng mahuli ang suspek na pinaniniwalaang gumagamit ng ipinagbabawal na droga .