BULACAN , Philippines - Kalaboso ang anim na katao matapos na maaktuhan ng pulisya na nagsasagawa ng pot session sa loob ng isang bahay sa Brgy. Tiaong, Guiguinto, Bulacan kagabi.
Patung -patong na kaso ang kinakaharap ng mga suspek na sina Michael Bernabe, 34; Liberlin Lucas, 34; Kimberly Castro, 22; Bernardo Madula, 44; Norwin Fabian, 31 at Mary Grace Reyes. 44.
Base sa ulat na nakarating kay Provincial Director P/SSupt. Joel Orduña dakong alas- 11:30 ng gabi ay isang impormante ang nag-ulat hinggil sa nagaganap na pot session ng ilang katao sa loob ng bahay ni Bernabe sa Brgy. Tiaong at ng makumpirma ay dito na isinagawa ang operasyon.
Habang papasok ang mga kagawad ng Bulacan Anti-Illegal Drug Special Operation Task Force sa loob ng bahay ay dito na naaktuhan ang anim na katao na nagsa-shabu na nagresulta sa pagkakaaresto sa mga ito kung saan narekober din ang ilang gramo ng shabu at mga drug paraphernalias nito.