BULACAN, Philippines - - Kalaboso ang lalaking nagpakilalang miÂyembro ng Philippine Drug Enforcement Agency (PDEA) matapos na arestuhin ng mga pulis sa entrapment operation dahil sa umanong pagkarnap ng sasakyan sa Brgy. Sta.Cruz,Guiguinto,Bulacan kahapon .
Patung-patong na kaso ang kinakaharap ng suspek na kinilalang si Marcelito Tolentino, 31, ng Sitio Sulok, Brgy. Panginay, Balagtas at nagpakilala bilang PO2 Valle ng nakatalaga umano sa PDEA-NCR .
Base sa ulat ni P/Supt. Ernesto Cruz, dakong ala-1:00 ng hapon ay nagkita sa kilalang shopping mall sa Brgy. Sta. Cruz ang suspek at biktimang si Armando Lazaro, Jr., 33, negosyante ng Brgy. Pio Cruzcosa, Calumpit hinggil sa ibinebenta nitong kotseng Honda City (UUY-916) sa suspek at nang sinubukan na i-road test ito ay tuluyan ng hindi nagpakita sa biktima.
Matapos ang ilang oras ay nakatanggap ng text message ang biktima mula sa suspek at sinabing ibabalik ang sasakyan kapalit ang halagang P60,000 dahilan upang ikasa ang entrapment operation sa loob ng isa ring kilaÂlang shopping mall sa Balagtas.
Habang inaabot ng biktima ang napagkasunduang halaga na marked money sa suspek ay dito na siya inaresto nina PO2 Darlyn Riogelon at PO3 Acebuche habang narekober din ang sasakyan ng biktima.