CAVITE, Philippines - Walang sinasantong bahay o gusali ang grupong Akyat-Bahay Gang matapos pasukin at looban ang extension ng opisina ng alkalde sa Barangay Molino 3, Bacoor City, CaÂvite noong Linggo ng gabi. Sa ulat ng pulisya, nadiskubre ang panloloob bandang alas-9:15 ng umaga matapos inspeksyunin ni Roel Pregua ang kanilang opisina. Nilimas ang mahahalagang gamit sa loob ng opisina ni Bacoor City Mayor Strike Revilla kabilang ang dalawang yunit ng computer, dalawang speaker, iba’t ibang kable, mga papeles at assorted na susi. Pinaniniwalaang sinamantala ng akyat-bahay na sinasabing naninirahan sa kalapit na Magdiwang Subd. ang mahabang bakasyon ng mga kawani ng lokal na pamahalaan kaya naisagawa ang panloloob.