‘Perfect timing’: Baby ni Rita Daniela tutuldok daw sa kanyang ‘struggle’
MANILA, Philippines — Hindi man planado, “perfect timing” na maituturing ni Kapuso star Rita Daniela ang kanyang pagbubuntis.
Ani ng 26-anyos na aktres, “God’s greatest gift” niya ang kanyang baby na siyang magmamahal sa kanya nang buong puso.
Sambit pa niya, “blessing" din ito dahil ito raw ang tutuldok sa kanyang mga hinaharap na personal struggle.
"'Am I enough? Was I good? Was I great?' That has always been my struggle," pagbabahagi niya sa isang panayam ng "24 Oras."
"This blessing reminded me na, no…I won't feel that anymore because I will have someone that whatever I do, I may fail or not [h]e or she will love me with all of his heart," pagpapatuloy niya.
Nang tanungin naman ang "My Special Tatay" star kung sino ang daddy ng kanyang baby: "It's my non-showbiz boyfriend," sagot niya, habang hindi pinapangalanan ang nabanggit.
"It's my decision not to share anything about us, [a]bout to hm to anybody because he's not a showbiz personality, he’s a private person and our relationship has always been private."
Nito lamang Linggo sa “All Out Sundays” ibinunyag ni Rita na nagdadalang-tao siya.
Aniya, hinintay niya munang matapos ang kanyang unang trimester bago ibahagi ang good news sa publiko.
"Some things in life na ang sarap na ikaw lang muna, tini-treasure mo 'yung blessing na yun, [n]inanamnam mo 'yung good news," sambit niya. — Philstar.com intern Vivienne Audrey Angeles
- Latest
