Parte ng katawan ng tao, nahukay
CAVITE, Philippines - Nabulaga ang mga obrero nang bigla nilang mahukay ang ilang parte ng katawan ng isang tao sa construction site ng ginagawang CALAX Expressway sa Brgy. Navarro. Gen. Trias City kahapon ng umaga.
Sa ulat ng pulisya, alas-11 ng umaga nang madiskubre ang mga parte ng katawan ng isang tao sa kahabaan ng pampang ng Ylang Ylang River sa Brgy. Navarro ng nasabing lungsod.
Gamit ang backhoe, kasalukuyang naghuhukay ang mga obrero para sa itatayong barracks ng mga manggagawa rito sa gagawing expressway nang bumulaga sa kanila ang mga parte ng katawan ng tao.
Sa pagsisiyasat ng pulisya, malamang na ibinaon umano ang biktima na posibleng biktima ng pagpatay. Inaalam pa ang pagkakakilanlan sa biktima na hindi pa matukoy kung lalaki o babae.
- Latest
