Konsehal todas sa ambush
LILOY, Zamboanga del Norte, Philippines — Isang konsehal ng bayang ito ang nasawi matapos pagbabarilin kamakalawa sa national highway.
Kinilala ni Liloy Police Chief Police Major Alexis Bahunsua ang biktimang si Ernesto Bihag Jr., 46, ng bayan ng Causwagan.
Base sa ulat, minamaneho ni Bihag ang kanyang puting Toyota Fortuner nang tambangan ng mga salarin lulan ng maroon na Toyota Innova.
Inunahan ng mga suspek ang sasakyan ni Bihag at hinarang ito pagkatapos ay pinaulanan na ng bala ng baril. Dahil dito, nawalan ng kontrol sa sasakyan ang biktima at bumangga ito sa puno.
Dinala pa sa ospital ang biktima, pero idineklarang dead on arrival.
- Latest