Thirdy excited para kay Kiefer

MANILA, Philippines — Excited na si Thirdy Ravena sa inaabangang siblings rivalry nito sa kapatid na si Kiefer sa nalalapit na pagbubukas ng Japan B.League.

Masaya si Thirdy na nakakuha na ng clearance si Kiefer mula sa NLEX at PBA para tuluyan nang makapaglaro sa B.League.

Kaya naman hindi maitago ni Thirdy ang lubos na kasiyahan lalo pa’t matutupad  na ang pangarap ni Kiefer na makapaglaro sa isang international commercial league.

“I’m excited definitely,” ani Thirdy.

Usap-usapan na ang pagtutuos nina Thirdy at Kiefer sa Oktubre 2 at 3 sa Toyohashi City General Gymnasium.

Sumalang na sa ilang preseason game ang NeoPhoenix.

Subalit alam ni Thirdy na marami pa silang dapat ayusin upang mas ma­ging solido ang kanilang kampanya.

Sa kabilang banda, lubos ang kasiyahan ni Kiefer na makapaglaro sa B.League kasama ang Shiga Lakestars.

Magagamit ni Kiefer ang jersey number nitong 15 sa Lakestars.

Maliban kina Thirdy at Kiefer, maglalaro rin sa B.League sina Kobe Paras (Niigata Albirex BB), Juan Gomez de Liaño (Earthfriends Tokyo Z), Bobby Ray Parks Jr. (Nagoya Diamond Dolphins), Javi Gomez de Liaño (Ibaraki Robots) at Kemark Carino (Aomori Wat’s) at Dwight Ramos (Toyama Grouses).