Ang faith-based agenda ni Rep. Alan Cayetano
Wala pang diretsang pahayag si Taguig Rep. Alan Peter Cayetano kung tatakbo sa pagka-Presidente o hindi. Palibhasa ay nakatutok sa kanyang programang P10,000 Ayuda para sa mga biktima ng COVID pandemic. Pero malinaw naman na seryoso niyang kinukonsdera ito.
Sina Sen. Ping Lacson at Sen. Manny Pacquiao ay maliwanang nang naihayag sa taumbayan na sila ay determinadong tumakbo sa panguluhan.
Hinihikayat ngayon ng mga pastor ng iba’t ibang Christian denomination si Cayetano na maghayag na ng kanyang intensiyong tumakbo sa pinakamataas na posisyon sa pamahalaan. Tinatayang 600 na pastor at religious leaders kasama ang may 1,564 na miyembro ng 562 simbahan sa buong bansa ang lumiham kay dating Speaker Alan Peter Cayetano upang hikayatin ito na tumakbo sa panguluhan.
Anang mga pastor, si Cayetano ang nakikitaan nila ng kakayahan na akayin ang taumbayan sa pananampalataya. Kailangan anila ng isang lider na magbibigay ng liwanag at pag-asa sa gitna ng dilim lalo na ngayong panahon ng pandemya.
Tinuran ng mga leader ng Iglesias ang pamimigay ni Cayetano ng P10,000 ayuda para sa mga kababayang iginupo ng pandemya. Bukod diyan, inilunsad ni Cayetano ang tulong-puhunan sa mga sari-sari stores na naapektuhan din ng pandemya. Ginagawa umano niya ito kahit umiiral ang ECQ at iba pang restrictions.
Bagamat wala pang diretsahang pahayag na tatakbo sa presidency, sinabi ni Cayetano na nais nyang magpatupad ng faith based at bible centered na pamunuan. Mahalaga ang takot sa Diyos sa panahong ito na laganap ang bisyo, sugal, krimen at korapsyon. Sa sulat kay Cayetano, sinabi ng mga Church leaders na higit pa sa husay at talino, kailangan natin ng isang lider na may puso at malasakit sa kapwa at handang harapin ang mga pagsubok ng may pang-unawa at pagmamahal.
- Latest
